ADFA Cup champion Seling GSA

Inrinni khan MFA Ground, Sairang Dintharah ADFA Cup 2023-24 final khelh niin, 3-1-a Phulpui G&SA (Aibawk zone) hnehtu Seling GSA (Thingsulthliah zone) an champion.
He inkhelah hian first half minute 24-ah John Muantea Pachuau chuan sikhat faia Phulpui hmahruaina goal khungin, chawlhlawk dawnah Lalchhuansanga’n penalty a\angin Seling siphurh sutna goal a chhuihlut a, half time-ah goal khat ve ve thunin team pahnih an intluk phawt.
Second half laihawl pelh minute 70-ah Lalchhuansanga bawkin Thingsulthliah zone team aiawh hmahruailetna goal khung lehin, hun pekbelh minute hnihna a kal mek laiin Vanlalmuanawma chuan chiang zawka Seling GSA team champion-na goal a thawh zui leh ta a ni.
Champion team hian tangka fai Rs. 15,000 bakah trophy leh certificate dawngin, fair play award ken tel Rs. 2,000 an dawng tel a; runner up Phulpui G&SA kutah Rs. 8,000 telin trophy leh certificate a lut ve bawk.
Best player atana thlanchhuah Seling star player Lalchhuansanga’n Rs. 500 leh trophy a dawng a; tournament chhunga goal sarih khunga top scorer ni ta Seling player pawimawh dang F. Lalhmangaihzuala nen an lawmman dawn a inang.