Aizawl enkawlna atan vbch.30 chuang tangkai taka hman a ni – Lalrinenga Sailo

Aizawl khawpui enkawlna atan AMC-in cheng vaibelchhe 30 chuang chu local council 85-in tangkai takin an hmang tih Aizawl mayor Lalrinenga Sailo chuan a sawi.
AMC Ward No.XIX MNF Campaign Committee chairman ni bawk Lalrinenga Sailo hian Nilaini khan by election neihna tur Ward No.XIX huamchhunga Saikhamakawn leh Hlimen a tlawh a. Aizawl khawpui enkawl nan cheng vaibelchhe 30 chuang chu local council 85 hnenah tangkai takin an sem a, local council-te hian tha takin hna an thawk a ni tih mipui an hriattir duh tih a sawi a ni.
Melthum leh Saikhamakawn ten tui an harsatna chu MNF candidate Dr Lalrinzuali Hrahsel an thlangtling a nih chuan nasa taka an tangkaipui dawn bakah tuizem lian tak an siam dawn tih Aizawl mayor hian a sawi a. MNF AMC chuan Ward.XIX huamchhunga ran vulh dan zangkhai zawk an ngaihtuah dawn tih a sawi a ni.
Mayor hian tunhnaia chhiatna tuarte awm lailawkna Hlimen Relief Camp a tlawh nghal a ni.