Bangladesh sorkar chuan India parliament building thara “Akhand Bharat” map tarchhuah chungchangah Ministry of External Affairs chu insawifiah turin a ti.
Minister of State for Foreign Affairs Shahriar Alam chuan Dhaka a journalist te hnenah Awami League sorkar chuan India sorkar chu insawifiah tura a tih thu a sawi a. A hmain Nepal leh Pakistan te pawhin map-a ancient Indian kingdom tarlanna tuna India, Pakistan, Bangladesh leh Nepal te huamtir vek chungchangah lungawilohna an lo lantir tawh a ni.
Bangladesh-a Leader of Opposition Nationalist Party te chuan “Ahand Bharat” map chu ‘Bangladesh freedom leh sovereignty tana pawi thei’ tihialin an sawi a.
“Map avanga thinrimna nasa tak a awm a. Eng vanga tarchhuak nge an nih a chiang a. Mahse, India sorkarin official taka a sawifiahna hre turin Indian Ministry of External Affairs kan ngen a ni” tiin Alam chuan a sawi a.
“Akhand Bharat” map hi New Delhi-a parliament building tharah tarlan niin he building thar hi May 28 khan Prime Minister Narendra Modi chuan a hawng a ni.
Arindam Bagchi, Official Spokesperson of the Ministry of External Affairs (MEA) chuan kar kalta Zirtawpni khan map chu Indian history-a Mauryan period darhzau dan lantirna tiin a sawi a. “Mural hian Ashokan empire darhzau dan leh mipui ngaihsak sorkar a kalpui leh aupui dan pholanna a ni,” tiin a sawi.
A hmain Nepal Prime Minister Baburam Bhattarai chuan map-ah chuan Lumbini, Lord Buddha pianna chu ancient Indian landmass tia tarlan a nih thu sawiin a sawisel bawk a.
Alam chuan map tarlan chu tuna political reality ni lovin culture darhzau dan lantirna zawk nia a ngaih thu a sawi thung a. Mural hian mipuite zinkual dan a pholang a, cultural lamah inanna a awm thei a, mahse, politics nena inkaihhnawihna a nei lovang tiin a sawi.
‘Akhand Bharat’ map Bangladesh-in duh lo
Get real time updates directly on you device, subscribe now.
Prev Post