Albanese-a’n Musk sel nâ

Australia leader chuan Biak In a invihna footage X tena an paih duh loh avangin X neitu Elon Musk chu ‘billionaire invaivung’ tiin a sawi.
Thawhtanni khan Australian court chuan Musk social media firm chu kar kaltaa Sydney attack video chu thup turin a ti a. A hma chuan X te chuan dan hmanga inkhinna awmah court thu an zawm tur thu an sawi nghe nghe a ni.
Mahse Musk chuan meme hmangin Australian sorkar chu cencorship kalpuiah a puh zui a, chutak chu Prime Minister Anthony Albanese chuan a sawisel let ve ta a ni.
Thawhlehni khan Albanese chuan ABC News hnenah Musk chu ‘dan chunga leng leh common decency chunga lengah a inngai’ tiin a sawi.
Kar kalta khan Australia eSafety Commissioner, independent regulator te chuan X leh social media compnay dang te chu Assyrian Christ the Good Shepherd church a invihna video te an paih lo a nih chuan fine turu tak chawi tirah a lo vau tawh a ni.
X te chuan court thupek chu Australian law huamchhung a ni lo an ti thung a. Commissioner chuan court inralwh tura ngenin X te chuan Australia pawna awm ten Biak In ainvihna footage te chu an la thlir thei reng a ti bawk a.
“X tena court thupek zawm aia hnial kalh dan ngawt an zawng chu mak ka ti a ni” tiin Albanese chuan a sawi.
Musk chuan post a siamah, “PM in mipui te hnenah X platform chu thudik tarlanna a ni tih a pholang hi lawmthu ka hrilh duh a ni” tiin a la sawi zui bawk.
Chumai bakah Musck chuan eSafety Commissioner Julie Inman grant chu mimal taka sawiselin ‘Australian cencorship commissar’ a ti zui bawk a.
Albanese thung chuan Inman Grant thutlukna siam chu thlawp tlatin Australians te a humna zawk a ni a ti a. “Social media hian social responsibility a mamawh a, Musk hian chung te chu engmah lantir a nei lo” tiin a sawi zui bawk.
X te chu darkar 24 chhung court chuan footage te la thla turin hun a pe a, chumi hnuah court chuan a ngaihtuah zui leh dawn a ni.
Social media platform X leh eSafety Commissioner te chu X tena child abuse material online a dah te paihbo chungchangah an thu inhmu lovin thubuai an nei mek bawk.