Allianz Arena a Lenglut tur Real Madrid

Zanin zanlai dar 12:30 atangin UEFA Champions League quarter-final thawh hnihna khelh chhunzawm a ni dawn a. Zaninah Bayern Munich leh Real Madrid, Arsenal leh Sporting CP te an inching fel ang a, semi-final lut a hriat kim theih chiah dawn. Zanina inkhel tura Allianz Arena-a Real Madrid lenglut turin ngaihven a hlawh hle.
Champions League-ah vawk lal len a, champion ngun ber ni fal nalh Real Madrid hi an khelmual Santiago Bernabeu-ah German champion Bayern Munich hi an mikhual tawh a. An tualzawlah ngei 2-1 in an tlawm. An mualah an tlawm tawh vangin Real Madrid tan Allianz Arena-ah fiahna hautak hmachhawn a ngai dawn. Bayer Munich hneh a, semi-final an lut nawlh a nih chuan ‘Real Madrid nge nge’ tih nawn leh ngei ngei a ngai dawn.
An mualah a nih vangin Allianz Arena-ah Bayern Munich in chak ngei an tum dawn a. Champions League-ah na na na chuan zam ngai lo leh hneh har em em Real Madrid in an ze ngai chhuah an tum leh ngei dawn bawk a. Bayern Munich leh Real Madrid te inkhel tur hi inkhel hmuhnawm lo tak a ni thei lo hrim hrim.
Zanin vek hian English Premier League-a hmahruai mektu Arsenal chuan 1-0 a hmahruai sa in Sporting CP an mikhual ve dawn bawk.