Brazil player hlui Dani Alves chu hur-sualna lam hawia hmei-chhe khawiha puh a nih avangin a chung a rit hle a, tunah lung in bang zut mekin, Nilainia Catalonia court sang berin thuchhuah a siamah a chungchang thu hi kum thar Fe-bruary ni 5-7 chhung khian ngaihtuah a ni dawn a, an puhnaah thiam a chang zo lo a nih chuan kum li atanga kum 15 chhung zet a tang zui thei dawn!
Tarlan tawh thin angin, Barcelona defen-der hlui hi nikum De-cember thla khan Bar-celona nightclub-a hmei-chhe pakhat khawihah puh a ni a, a tirah an puhna chu pha bawk mah se hmeichhia nen an remtihdunnaa mipat hmeichhiatna hmang niin a insawi leh a; kumin January thla atang khan Spain ram lung inah a la tang zui ta char char a ni.
Spanish ukil chuan kum 40 mi Brazilian hian kum kua tang turin court-a ngenna thlen bakah a hmei-chhe khawihchhiat laka zangnadawmna atan euro 150,000 (US dollar 164,430) a phut tel a: an puhnaah hian thiam a chang zo lo a nih chuan a hma hun hi a thim hle tura ngaih a ni.
Alves hi football history-a player hlawh-tlingberte zinga tel pha niin, a career-ah Brazil player pawimawh ni chungin club lamah khawvela club lar leh ropui tling thiau Bar-celona, Sevilla, Ju-ventus leh Paris St Germain thuam a inbel tawh a, trophy a lak hi belhkhawmin 40 chuang a ni tawh.
Khelmualah hlawh-tling teh mah se nupui uiresanin nightclub vela hmeichhe dang kawp a ching a, a mualpho zui ta a ni!
Alves hma hun a thim
Get real time updates directly on you device, subscribe now.
Prev Post