ASF vangin Aizawl district
inkharkhip puang leh rih
Vawk hri – African Swine Fever (ASF) leng chu a la reh fel lo tih hriat a nih avangin Aizawl district-ah hmun dang atanga vawk leh vawksa atanga siam eitur lakluh khap a ni.
Aizawl district bawrhsap chuan hriattirna tichhuakin, district chhunga mipui kan him a, kan fimkhur zawkna’n vawk chungchanga inkhuahkhirhna siam a ni tih sawiin, ‘State dang, ram dang leh hmun dang ASF hrilenna atangin vawk, vawksa leh vawksa atanga siam eitur reng reng lakluh khap a ni,’ a ti.
District leh district inkarah vawk leh vawksa lakluha lakchhuah phal a ni lo, tiin, vawk damlo reng reng talh leh hralh khap a ni a. Vawk damlo chu dah hran thuai tur a nih bakah vawk thi reng reng thuk taka phum bo tur a ni tih a sawi.
Vawk damlo leh thi an awmin AH & Vety official-te hnena hriattir thuai tur leh, hrileng darh zel lohna’na vawk suat duh ten district tina AH & Vety department-ah dilna thehlutin, AH & Vety official-te hriattir hmasa loin hma la lo tura tih an nih thu a sawi.
AH & Vety director atanga phalna neite tan ASF hrilen lohna state atangin vawksa atanga thil siam (frozen pork) lakluh phal a nih rualin, standard operating procedure zawm tura tih an ni a; APEDA (The Agricultural and Processed Food Products Export Development Authority) in a pawmpui ‘firm’ an nih a ngai tih a sawi bawk.
He thupek hi thu leh awm hma chu puan ni – 2023 April 11 atanga thla hnih chhung hman a ni dawn a. Thupek zawm lo te chu IPC Section 188 dan hmanga hrem theih an ni tih a sawi.
ASF vangin Aizawl district inkharkhip puang leh rih
Get real time updates directly on you device, subscribe now.
Prev Post