Ningani zan khan Europa League Conference League semi-final thawhkhatna khelh a ni a. European Competition a English club dam awmchhun Aston Villa chuan an mualah ngei Olympiacos lakah 2-4 ngawtin an tlawm a, final lut zo lovin tlak an hnaih. An mualah Villa an tlawm lai hian Fiorentina chuan an mikhual Club Brugge chu 3-2 in an lo hneh ve thung.
Villa Park-a lenglut Olympiacos hian English club lakah bul an tan tha viau a, darkar chanve hmain goal hnih an thun hman. Inkhel tan atanga minute 16-naah Ayoub El Kaabi chuan mikhual team hmahruaina goal a thun a. EL Kaabi hian minute 29 leh 56-ahte goal thun zui lehin Villa lakah hatrick a siam. Villa tan hian Ollie Watkins leh Moussa Diaby ten goal thun leh bawk mah se Olympiakos tan Santiago Hezze chuan goal khat a thun zui leh a, an mualah ngei si hnih ngawtin an tlawm zui ta a ni. An mualah ngei 2-4 ngawta an tlawm vangin Aston Villa hian tlak an hnaih viaua ngaih a ni.
Ningani zana semi-final pakhat zawkah Italian club Fiorentina chuan an mikhual Club Brugge chu 3-2 in an hneh a, final an hnaih. European competition pathumah an chetthat vangin Serie A team pangain UCL an khel dawn nghe nghe a ni.
Aston Villa in tlak an hnaih
Get real time updates directly on you device, subscribe now.
Prev Post