BTS 10th Anniversary lawmna Seoul-ah nei dawn
K-pop group BTS chuan kum 10 an tling dawn ta a, an kum 10 tlin champha lawmna BTS 10th Anniversary FESTA chu June ni 17 hian Seoul, South Korea-ah an nei dawn tih an puang a, a teaser video an tihchhuahah pawh van boruakah “BTS Presents Everywhere” an ti a, he slogan hian awm ze chi hnih a nei thei niin an sawi a, “BTS thilpek chu hmun tinah a awm” tihna leh “BTS chu hmun tinah an awm” tih a ni thei ve ve.
He event Yeouido, Seoul a neih tur hi mipui tan chhim theih a ni dawn a, he FESTA chungchanga thudang chu an la puang leh zel dawn a ni.
BTS hi US lamah pawh Billboard chart-a an lanna hmasa ber chu 2013 kha niin, a hla ‘No More Dreams’ chu World Digital Song Sales-ah No.14 a kai a, heta tang hian BTS chu Billboard chart-ah an lang ta deuh sek a, record hrang hrang siamin Hot 100-ah group zinga No.1 hla debut thei ngah ber leh group zinga top 10-a hla debut thei ngah ber an ni a, tunah chuan BTS member pasarih te pawhin group ang ni lo, a mimal ang pawhin Billboard Hot 100 a lang thei hla hit an nei vek tawh bawk a ni.
BTS hian Billboard Hot 100-a No.1 kai thei hla paruk an nei tawh a, an member zingah Jimin hla ‘Like Crazy’ chu Hot 100 No.1 a kai thei bawk a, heti hian The Beatles leh The Supremes te record nihrualin, group anga Hot 100-a No.1 paruk tal nei thei leh an member zinga tu emaw ber tal solo-a No.1 kai thei bawk an ni ve ta.
BTS 10th Anniversary lawmna Seoul-ah nei dawn
Get real time updates directly on you device, subscribe now.
Next Post