Buaina chhuah hnuah Mosque khar rih

Buaina chhuah hnuah Mosque khar rih
Uttar Pradesh Sambhal district huamchhung a awm Hindu mosque pakhat chu November 30 thleng pawn lam mi tan luh khap a ni.
District magistrate Rajender Pensiya chuan Bharatiya Nyaya Sanhita (BNS) hnuaiah he thupek hi chhuahin, court thupek anga survey neih duh lohna lantirtuten tharum thawhna an thlen avangin he thil hi chhuah an nih thu a sawi.
He mosque hi Mughal hun laia mi tawh niin, Hindu sakhaw betute mosque ngaihhlut leh lar tak pakhat a ni a, tharum thawhna thlen tum hian mi pathumin nunna an lo chan phah tawh bawk.
District magistrate thuchhuah chuan order an siam chu hman tan nghal tur a nih thu sawiin, mi tupawh – pawl emaw, mimal emaw, mipui aiawh pawh nise officer-te phalna lo chuan luh phal a nih loh thu a tarlang.
Thupek bawhchhia an awm chuan BNS Section 223 hmanga hrem an nih tur thu an tarlang tel bawk.