Bungraw lei tawh thleng phal loh tih hi dan phuahchawp ani – CFCE

Bungraw lei tawh thleng phal loh
tih hi dan phuahchawp ani – CFCE
Dawrkaiten an dawr leh cash memo-a bungraw lei tawh thleng leh theih tawh loh, tih an tar/ ziah thin chu dan phuahchawp a ni a, thil lei tawh hi thleng leh theih a ni tih Centre For Consumer Education (CFCE) chuan an sawi.
CFCE hian Zirtawpni khan Aizawl Bazarpui leh a chhehvela dawr chi hrang hrang an tlawh kual a. Pheikhawk dawr, bag dawr, puanthan dawr, nepnawi dawr hrang hrang luhchhuahin maximum retail price (MRP) an zawm leh zawm loh, MRP aia sanga bungraw hralh phal loh a nih thu leh MRP aia hniama bungrua hralh thin turin dawrkaite chu an ngen.
MRP thaichhiata MRP ziah chawp an hmuchhuak nual tih sawiin, ti tawh lo turin dawrkaite an hriattir bawk.
Bungrua lei tawh thleng theih loh tih thu dawrkaiten an dawr leh cash memo-a an tarlang thin chu dan phuahchawp a ni a, dawrkai duhamten mahni thua hmasial taka an phuahchawp mai a ni tih an sawi a. Thil lei tawh chu thleng leh theih a ni tih an hrilh a ni.
Hunpui laia dawr bungrua tisang lo tur leh consumer-te hmakhua ngaia an bungraw man chhiar tur leh hman theih leh hman tlak chauh hralh chhuak turin sumdawngte chu an ngen a ni.
Consumer Outreach Programme hi Bazarpui Police Beat Office-in an lo tawiawm a. Remchang hmasa berah Bazarpui hmunah hian Centre For Cunsumer Education chuan hetiang programme hi hman leh an tum th an sawi a ni.