Natural farming chungchang inzirtir

District Krishi Vigyan Kendra leh District Agriculture Office Champhai buatsaihin nimin khan Champhaiah natural farming chungchang inzirtir a ni a. Champhai Community Resource Person leh Khawbung block chhung ami 42 an tel.
Sawrkar laipuiin National Mission on Natural Farming hnuaia hma a laknaa neih niin, natural farming that zawkna hrang hrang inhrilhfiah a ni. Assistant district agriculture officer Dr PC Lalnunfeli chuan leilung that zawkna tura natural farming pawimawhna a zirtir bawk. KVK Khawzawl subject matter specialist (Agronomy) Rambuatsaiha chuan community resource person mawhphurhna a hrilhfiah a. Senso tlawm zawka leitha siam dan leh leilung tichhe lo zawnga thlai thar dan inzirtir a ni.