Mizorama Volleyball inelna lian leh ngaihhlut hlawh Volleyball League vawi rukna chu June ni 2 ah tan a ni dawn. Pro Volleyball League vawi ruknaah hian mipa team ruk leh hmeichhe team sarihin Mizoram inelna sang ber champion nih an in-chuh ang.
LPS Vision leh Mizoram Volleyball Association chuan inremna siam felin, R Dengthuama Indoor Stadium, Mualpuiah Pro Volleyball khelh a ni dawn a, June 30-ah final turin ruahmanna an siam.
Nikum khan mipa team panga an tel a, May 27-ah final khelin Durtlang North-in 25-20, 23-25, 25-21, 25-23 (3-1)-in Thutak Nunpuitu Team an hneh a, a vawi khat nan an champion.
2022-23 season kal mekah Durtlang North, TNT, Hunthar, Chhinga Veng Spikers leh Tui-changral an tel kim leh vek dawn a, kai thar Tuipuiral nen mipa team parukin trophy an inchuh dawn a, Pro Volleyball chanchina Aizawl pawn team pakhat aia tam an tel hmasa ber a ni nghal ang.
Season liam ta khan Pro Division-ah hmei-chhe team pali awmin, May 26, 2022 khan Elisian Medai-i hovin Bethlehem Vengthlangin final-ah 18-25, 25-21, 25-14, 25-20 (3-1)-in Bungkawn an hneh a, Pro Volleyball-ah an champion.
Season kal mekah Bethlehem Vengthlang, Bungkawn, Durtlang leh Kanan bakah kai thar pathum Power Deptt Sporting Club, Armed Veng South leh Luangmual nen team pasarih an inel dawn a ni. 2022-23 chhungin Pro Division team tan MVA-in tournament vawi hnih a buatsaih tawh a, Season hawnna leh MVA Cup-ah Hunthar mipa team an champion ve ve a, hmeichhe lamah Kanan an champion ve ve bawk.
June 2 atangin Pro Volleyball
Get real time updates directly on you device, subscribe now.
Prev Post
Next Post