Chad sipaiten beih tawk, mi 40 chuang boral
Pathianni tlai khan Chad sipaite hmunpui pakhat chuan beih tawk thutin, sipai 40 chuang an boral niin president thupuangtu chuan a sawi.
Chad president Mahamat Deby chuan pawikhawihtute zawn chhuah tumin beihpui an thlak ve nghal thu a sawi a, he pawikhawihna hi Barkaram thliarkar hmun pakhata thleng a nih thu a sawi bawk.
He lai hmun hi tuipui lian tak hual vel kara awm niin, tunhnai kum sawmhnih chhung hian nasa takin a kam tawh tih Chad president chuan a sawi a, hei hian lo beitute pawh an chetvel a awlsamtir phah nia a ngaih thu a sawi.
Pawikhawihtute hi tutenge an nih hriat a la ni lo a, president chuan Nigeria leh Niger ramri hnaih, Islam firfiakte chettlat tamna a nih avangin rinhlelh erawh an kai deuh niin a sawi bawk.
Pathiannia pawikhawihna thleng hi kum 2020 hnua Chad sipaite tawrh nasat leh berna niin, hemi tum hian sipai 100 chuangin nunna an chan a, khatih hun laia president Idriss Deby chuan Islamist firfiakte lakah beihpui a lo thlak nghek tawh a ni.
Chad sipaiten beih tawk, mi 40 chuang boral
Get real time updates directly on you device, subscribe now.