China-in thlawhna siam chhuak

China chuan ama puala a siam hmasak ber commercial flight chu hlawhtling takin a thlawh chhuahtir ta a. State TV chuan C919 hi Shanghai atanga thlawk chhuaka Beijing a panlai a tichhuak a ni.
He thlawhna hi Commercial Aviation Corporatoion of China (Comac) tena an siam niin an tum ber chu Airbus leh Boeing tena passenger thlawhna an thunun chhuhsak an tumna a ni.
Mahse passenger 164 thut theihna thlawhna hi Western te thiamnaah a la innghat thuk hle thung a, a bik takin engines leh avionics te chu khawthlang ram company te ta a la ni thung.
He thlawhna hmanga commercial flight hmasa ber chu Shanghai atangin Beijing inkarah thlawhtir niin passenger 130 a phur a, darkar thum chhung thlawk a ni a. Beijing atang hian Shanghai-ah a let leh ang.
State sorkar ta China Eastern Airlines te chuan he thlawhna hi panga an duhtur thu an thlen nghal a. Comac hian kum nga chhungin kum tin thlawhna 150 siamchhuah hman an tum thu sawiin C919 chuan order 1,200 an hmu der tawh an ti bawk a.
Mahse, mithiamte chuan heng order-te hi domestic customer tena an lei duh tak tak tur zia lam aimahin an ngaihvenna mai zawk a niang an la ti thung.
C919 hi siam fel a nih hma daihin Presdient Xi Jinping chu a cockpit tura hisapin lo thu tawhin China a innovative achievement tiin a hun laiin a lo sawi tawh nghe nghe a ni.