Crystal Palace-ah Michael Olise a nghet

Club lian leh ropui zawk Chelsea leh Manchester City ten lak tumin hel mah se Michael Olise chu Crystal Palace-ah a nghet a, kum li dang cham belh leh turin contract thar a ziak.
Report thenkhatin an tarlan dan chuan kum 21 mi French Under-21 international Michael Olise hi Chelsea chuan a lakchhuah theihna zat £35m in lak an huam a. Lak tumin a khelh mekna Crsytal Palace pawh an dawr hman. Chelsea in an dawr bakah hian EPL champion Manchester City pawhin lak tumin an ngaihven ve bawk.
Club lian zawkin an ngaihven vangin Eagles hian Olise hi an chan mai an hlau hman viau a. Contract thar ziak turin an dawr zui nghal chat. Palace chairman Steve Parish chuan Olise hi an hnenah a cham chhunzawm dawn tih ningani khan a nem nghet thei ta a. Kum lo daih contract a ziak fel zui ta a ni.
Olise hian kum 2021 khan Reading atangin Palace hi a zawm a. Player pawimawh a ni der tawh.