Pathianni zan khan EPL champion lai Man-chester City chuan Eti-had Stadium ah Wolves an mikhual a. City hian Erling Braut Haaland hattrick hmangin hnehna an chang. Wolves laka City chakpuitu Haaland hian EPL season kal mekah goal 25 thun tawhin top-scorer a ni mek a. EPL a hattrick tam lamah Cristiano Ronaldo lehpel in, EPL a hattrick vawili siam thei rang ber record thar a siam tel bawk.
-- Advertisement --
Arsenal hnuaia awm mek Manchester City hian 17-naa awm mek Wolves lakah hnehna changin, Arsenal nen an inkar tihzim ngei an tum a. Wolves hian himna kawng zawh a, hma lam pan turin team lian lakah point hlawhchhuah ngei an tum ve bawk. Etihad Stadium ah ngei point hlawhchhuah tum viau mahse goal thun thei Haaland an dang thei lova, si thum fai ngawtin an tlawm ta thung.
City hian ball chang tam in, an mikhual thunun viau mahse goal thun theihna hun tha an insiamchhuah hleithei lova, Haaland tan ball tha an chhawpchhuak tam thei lo. Hun rei tak chhung goal an thun theih loh hnuin chawlhlawk dawn tepah goal an thun ta nge nge. |ha taka an mikhual tlarhnung an thiah darh hnuin Kevin de Buyne chuan tha zetin Haaland tan a siamsak a, Haaland hian minute 40-naah chiang zeta tauh goal in hmahruaina goal a thun. City tan hmahruaina goal a thun hi EPL a goal 23 a thunna chiah a ni a. Season liam taa EPL Top Scorer Mohamed Salah leh Son Hueng-min te goal thun zat a tluk chiah a, goal 23 thun tur hian game 20 chiah a ma-mawh.
Chawlhlawk hnu lamah City an khel tha leh zual a, goal an thun leh thuai. Minute 50-na leka Ilkay Gundogan penalty hlawhchhuah chu Haa-land chuan awlsam zetin a pet goal a, City goal hnihna a thun. Si hniha an hnufual hnuin Wolves si nghak a chesual zui leh a. Ho taka City forward Mahrez ball pe in. Mahrez hian Haaland tan a siamsak zui vat a. Haaland hian minute 54-naah awlsam takin a pet goal zui leh zat a, hattrick a siam ta nge nge.
Erling Haaland-a’n Wolves laka hattrick a siam kha EPL ah hattrick vawili a siamna chiah niin, record thar a siam a. EPL ah hattrick vawili siam rang ber a ni. Player ropui Cristiano Ronaldo hian EPL ah harttrick vawithum chauh a siam a. Manchester United player ropui Ronaldo aiin Haaland hian game 20 chauh khel chungin hattrick vawili a siam der tawh thung. EPL ah goal 21 thun tling rang ber record alo siam tawh bawk a, dan theih lohin hma lam a pan zel.