Delhi inthlan turah
Rs. Vbc 38.64 man tawh
Delhi assembly inthlan turah inthlan muanawm leh fel fai a awm theih nana hmalaknaah Rs. vaibelchhe 38.64 lehthil dang tam tak man a ni tawh.
Nilainia mipuiin vote an thlak mai tawh turah hian Chief Electoral Office chuan inthlan muanawm, fel fai leh thil dangin a tihbuai loh a awm theihg nan hma a la a, hmun hrang hrang dapin thil man pawh a ngaih tawh.
Office chuan inthlan kaihhnawihah hian pawisa rinhlelhawm Rs. vaibelchhe 38.64 an man tawh niin a tar lang a, kum 2020 inthlan aiin hetiang man hi 200% zetin a tam zawk niin a tar lang.
Ruihhlo kaihhnawih pawh Rs. vaibelchhe 88.40 hu an man tawh a, zu pawh Rs. vaibelchhe 4.93 man an man tawh bawk tih tar lan a ni.
Delhi inthlan turah hian kil thumin inchuhna lian tak a awm a. Arvind Kejriwal-a kaihhruai, kum 10 a zawna rorel mek, Aam Aadmi Party (AAP) chu paih thlak ngei tumin ram puma thuneitu, BJP-in an bei nasa hle a. Kum 15 chhung rorelna fawng lo chelh tawh, Congress pawhin tun hnaia state dang inthlana an dinhmun thlirin inthlan hnuhnung pahniha an nil ngawt aia tha daiha an chet an inring ve bawk.
Nilainia vote tlate hi Inrinnia chhiar tura ruahman a ni a, Thawhtanni tlai khan campaign hun a tawp ta bawk.
Delhi inthlan turah Rs. Vbc 38.64 man tawh
Get real time updates directly on you device, subscribe now.
Next Post