Public Works Department leh Disaster Management & Rehabilitation department hmalaknaa Hunthar Veng a lei tla hniam siamthat mek chu Thawhtanni zing khan DM&R minister Lalchamliana chuan a hmunah a enfiah.
Hunthar lei tlahniam leh leimin avanga chhungkua engemawzat insuanchhuah ngai hial an awm chu pawi a tih thu minister hian a sawi a. He hmun siamthatna’n sawrkarin theihtawp a chhuahna kawngah khawtlang mipui tawiawmna hlu a tih thu sawiin, sawrkara thahnemngaia thawktute chungah lawmthu a sawi.
Minister sawi danin, lei tlahniam hi kum 1990 vel atangin zawi zawiin a che a, kum 2016 chho sawrkar hmasa hunlaiin DM&R department chuan project a siam a. Kum 2017 ah siamthat a ni a, phai atangin technical mite pawh lokalin engemawchen hma lak a ni. Kum 2018 ah chief minister Pu Zoramthanga chu National Disaster Management Authority-ah kalin a dawr a, central lam mithiam technical mi an lokal hnuah, NDMA-in cheng vaibelchhe 20.8 a sanction a, centre state share 50:50 a inremsiamin hna thawh a ni.
Helai hmun hi, top soil a rih piahlamah luikawr lam atanga tawlh tawh a nih avangin, thlanglam atanga dawm tel loh chuan chunglam ringawt chu a fel rin a ni loa, kawngpui NH-54 chunglam zawng chu DM&R department hmalakna in pile foundation leh SDA sak, drainage, retaining wall, shaft well siam leh a dangte thawh a ni. Kawng thlang lam zawng chu state sum hmangin PWD hmalakna in counterfort retaining wall siam hna thawh a ni a. Heng bakah hian Vaivakawn lui leh Biak In luiah link drain siam tura hma lak a nih bakah tun dinhmuna tuihawk luanna (drain) siam belh ngaite siam belh a nih tur thu minister hian a sawi a ni.
DM&R minister-in Hunthar lei tlahniam siam dan enfiah
Get real time updates directly on you device, subscribe now.
Prev Post