England World Cup squad number a leak out!

England World Cup squad number a leak out!
Kan hma lawk Fifa World Cup-a England squad luahtu player-te jersey hak tur number chu a hun hmain a tlang thang niin an sawi a; Real Madrid attacker Jude Bellingham chuan Euro 2024 laia a hak number 10 shirt bawk kha a chang leh dawn.
England squad number atang hian Thomas Tuchel-a starting XI tur hriat theih mai dan a awm thei em?
Tunhnai thla engemawti liamta chhunga Tuchel-a ruahmanna huanga a tel chiah leh chiah loh chiang lo ruai Bellingham tana No 10 shirt dah a nih tak hnu hian central attacking role chang turin No 17 hatu tur Aston Villa hmatawng Morgan Rogers aiin a awmkhai deuh ta niin a lang!
Manchester City star Nico O’Reilly chu No 3 pek niin, tun tournament chhung hian England team first-choice left-back a ni mai ang em?
No 15 ha tur Newcastle defender Dan Burn pawh hi left-back lama dah theih tho a ni.
Nottingham Forest midfielder Elliott Anderson chuan Tuchel-a ruahmannaah hmun lailum a chang tih nemnghet zual turin No 8 pek a ni-ah kan ngai em?
A hmaa No 8 shirt hatu Brentford star Jordan Henderson chuan No 14 a ha tawh dawn a, he number hi Liverpool-a a hlawhtlinpui number tho kha a ni.
Manchester City player pahnih John Stones (No 5) leh Marc Guehi (No 6)-te hi England first-choice central-defensive pair ni tura ngaih an ni.
Tlarhma lamah Manchester United-in Barcelona lama loan-a an chhuahtir forward Marcus Rashford chuan No 11 shirt a ha dawn a, vei lam sirah No 18 ha tur Barca newcomer Anthony Gordon nen hmun chan an inchuh hmel.
Chelsea lama a hak number ngai bawk 24 ha leh tur Reece James chu he tournament-ah hian first-choice right-back a nih rin a ni bawk.
Captain Harry Kane chuan a zawna World Cup tum thum a khelhna turah pawh a number ngai zel No 9 kha kuminah pawh a rochun leh dawn
England squad- player pakua chu tunhma lama World Cup la khel ngai lo an ni.
Three Lions hianGroup L bul an tanna turah June ni 17 khian Dallas khawpuiah Croatia an hmachhawn ang.

England full squad number list

No. Player

1. Jordan Pickford
2. Ezri Konsa
3. Nico O’Reilly
4. Declan Rice
5. John Stones
6. Marc Guéhi
7. Bukayo Saka
8. Elliot Anderson
9. Harry Kane
10. Jude Bellingham
11. Marcus Rashford
12. Tino Livramento
13. Dean Henderson
14. Jordan Henderson
15. Dan Burn
16. Kobbie Mainoo
17. Morgan Rogers
18. Anthony Gordon
19. Ollie Watkins
20. Noni Madueke
21. Eberechi Eze
22. Ivan Toney
23. James Trafford
24. Reece James
25. Djed Spence
26. Jarell Quansah