Miley Cyrus hla hit ‘Flowers’ chu Billboard Hot 100 (singles) chart-ah a No.1 a, he chart-a kar li a No.1-na a ni ta a, Hot 100 chart-a a hla No.1 ni rei thei ber a ni ta bawk. He chart-a a hla No.1 kai hmasa zawk ‘Wrecking Ball’ chu kar thum a No.1 thei a, hei hi ‘Flowers’ hian a rawn pel ta a ni. Hetihrual hian Morgan Wallen ‘Last Night’ leh Beyonce ‘Cuff It’ te pawh pawh top 10-ah an invawrh thar ve leh ta bawk.
-- Advertisement --
Billboard Hot 100 chart hi kar khat chhunga US-a hla lar dan tehna niin, chart ranking siam nan hian all-genre U.S. streaming (official audio leh official video), radio airplay leh sales data te chu tena pawimawh a ni. ‘Flowers’ hi kar khat chhungin US-ah radio airplay-ah ngaithlatu maktaduai 74.5 nei angin an la chhut a, streaming pawh maktaduai 38.8 leh sales 26,000 a la tling bawk a, hei hio chart-ah a No.1 pui leh ta a ni.
SZA ‘Kill Bill’ chu a kar nga nan No.2-ah bawk a la awm a, radio airplay maktaduai 57.1, streaming maktaduai 32.9 leh sales 2,000 a la tling a, hei hi a No.2 pui leh ta a ni.
Morgan Wallen ‘Last Night’ chu stream maktaduai 29.7, radio airplay 2,85,000, sales 14,000 tlingin No.27 atangin No.3-ah a invawrh a, hei i Wallen-a hla he chart top 10 kai thei pangana a ni.
Chart No.1 hlui Sam Smith leh Kim Petras ‘Unholy’ chu No.5 atangin No.4 a kai thar leh a, he hla hi Adult Pop Airplay chart-ah a No.1 nghe nghe a, Sam Smith tan he chart-a a hla No.1 thei pathumna a ni a, Petras tan chuan a pakhatna a ni.
The Weeknd “Creepin'” featuring Metro Boomin leh 21 Savage chu No.3 atangin No.5-ah a tawlh a, Thw Weeknd hla dang ‘Die for You’ chu No. 6 atangin No.8-ah a tawlh ta bawk.
Beyonce ‘Cuff It’ chu airplay maktaduai 55.8, stream maktaduai 9.4 leh sales 78,000 niin, chart No.15 atangin No.6 a kai thar a, a hmain chart No.10 te pawh a lo kai tawh.Chart No.1 hlui Taylor Swift ‘Anti-Hero’ chu No.4 atangin No.7-ah a tawlh a, David Guetta leh Bebe Rexha “I’m Good (Blue)” chu No.7 atangin No.9-ah a tawlh a, chart No.1 hlui Harry Styles ‘As It Was’ chu No.9 atangin No.10-ah a tawlh ta bawk.