Fate chunga khauh lutukin naupang a tibuai thei

I fa chu i vin hrep hrep thin emaw, i hrem thin emaw, a banah na taka vuain i pawt deuh sawk thin a nih chuan naupang emotional development a tibuai thei a ni.
Montreal University a zirchianna neitu te chuan hetiang fate chunga aw rawl vin leh kut thawh vak vak hian naupang emotional development a tibuaiin, anxiety disorder a neih tir thei a, chung zingah chuan vantlang zinga inkiltawihna, mahni chauha awm nuam tihna te leh mangan/hlauh thutna te a thlen thei niin an sawi.
He zirchiannaa an hotu Francoise Maheu chuan, “Hetianga fate enkawl hian anxiety a thlen thei tih chu zirchianna hrang hrang atang pawhin tihchian a ni tawh a. Naupang vuak leh nasa taka hrem te hian kan thunun thei a ni mai thei, mahse, chu chu tuna tan chauh a ni. Naupang khan a damchhungin psychology lamah harsatna a neih phah thei a ni,” a ti.
Maheu leh a team-te chuan nu leh paten fate an enkawl dan leh thluak hnathawh inzawm dan an zir ber a. hemi atan hian naupang kum 12 leh tleirawl kum 17 inkar, mi 120 -ah zirchianna hi an nei a ni.