OceanGate Expeditions tour an ti a, submersible hmangin tui chhung thuk taka awm, khawvel lawng hriathlawh ber te zinga mi Titanic pil ta en tumin an kal a, mahse, he submersible hi a chhunga chuang mi panga te nen chin hriat lohin a bo a, a zawn hna an la thawk mek a ni.
He submersible hi Pathianni kalta khan tui chhungah a lut tan a, Titanic lawng pil ta a hmuna enchian tuma thawk chhuak an ni a, mahse, reearch vessel Polar Prince-in an inbe pawp thei ta lo a, he submersible hi a chin hriat lohin a bo zui ta a ni.
He thu buatsaih lai hian he submersible chhunga chuang mi panga zinga pathum te chu tute nen an nih puan a ni tawh a, pakhat chu British billionaire, Action Aviation neitu Hamish Harding a ni a, Pakistani sumdawng hausak Shahzada Dawood leh a fapa Suleman te an tel bawk. Midang pathum te hming erawh puan a la ni lo.
He expedition hi OceanGate te buatsaih niin, Titanic pilna hmuna zuk en tur hian mipakhatin dollar 2,50,000 chawi a ngai a ni. Titanic lawng hi Newfoundland, Canada atanga mel 370 vela hla, North Atlantic Ocean-ah a pil a, tuichhung feet 12,500 vela thukah a awm.
He khualzin phur lawnglian hi 1912 khan a zin chhuah vawi khatna, New York atanga Southampton, England a panna kawngah a vur tlang suin a chesual a, mi 1,500-in nunna an chân phah a ni. He lawng hi a pilna hmunah hian 1985 khan hmuhchhuah a ni a, hemi hnuah hian a belchian turin expedition an nei zeuh zeuh tawh a, OceanGate Expeditions pawh hian 2021 atanga khan tuna an submersible bo ta hi tum hnih Titanic-ah hian an tir lut tawh a, tun hi a tum thumna a ni.
Titanic tourist submersible a chhunga chuang mi 5 nen a bo
Get real time updates directly on you device, subscribe now.
Prev Post