Football titi

C West Ham chuan an manager David Moyes-a’n contract a hman zawh mai dawn vangin Spain manager hlui Julen Lopetegui chu an manager thar ni turin thla tharah dawr an tum. (Mundo Deportivo – in Spanish)

C Newcastle chuan Chelsea academy graduate defender Lewis Hall chu nipui bazar inhawn hunah a nghetin lak an tum. (Football Insider)

C United in champions league an khelh phak loh a, manager Erik ten Hag a la cham bawk a nih chuan Dutch manager Ten Hag hian tuna a hlawh aia hniam 25% daih a hlawh a ngai dawn. (ESPN)

C Bayern Munich chuan Germany defender Jonathan Tah lak an duh a, Bayer Leverkusen chuan kum 28 mi hi contract thar ziahpui leh an duh ve bawk. (Sky Sports Germany)

C Crystal Palace leh French winger Michael Olise chu nipui bazar inhawn hunah Manchester United zawm turin a inhawng. (90min)

C Manchester United chuan June 30 hmaa English defender Jarrad Branthwaite lak nan £60-70m a tawk ngei an ring. Everton hian 2023-24 season-ah sum leh pai khuahkhirhna hmangin hrem an lo tuar tawh a. Hrem an tawh nawn loh nan an player tha hralh an ngai tura ngaih a ni. (Football Insider)

C Newcastle United in Brazil midfielder Bruno Guimaraes manah £80m in an pawm thei dawn tih thawm awm chuan Arsenal leh Manchester City te beng a verh hle. (90min)

C Guimaraes-a lakchhuah theihna zat £100m hi thla khat chauh a hman theih dawn a. A hman theih hun chhung hi May atanga June thla tawp lam thleng a ni ang. (Fabrizio Romano, via Caught Offside)

C Manchester United chuan Girona atangin Spanish left-back Miguel Gutierrez lak an tum a. Arsenal leh West Ham United ten an chuhpui ngei dawn thung. (GiveMeSport)

C Real Sociedad atanga Spain midfielder Martin Zubimendi lak a harsat dawn vangin Arsenal chuan midfielder engemaw zat lak tum an nei. (Standard)

C Zubimendi chuan Europe club lian eng emawzatin an ngaihven tih sawi awm chu tlang titi mai niin, Real Sociedad-a a hlim tawk thu a sawi. (Marca – in Spanish)

C Chelsea manager Mauricio Pochettino’ a dinhmun chu season tawp hunah en nawn a ni dawn a, Blues player te chuan an manager hi ban lo turin an duh thung. (Standard)

C France forward Anthony Martial chu Manchester United in an ruahmannaah an tel tawh lo va, Red Devils hian nipui bazar inhawn hunah centre-back, central midfielder leh striker te lak an tum dawn. (Football Insider)

C Liverpool nen sawi zawm ni bawk mah se Wolves manager Gary O’Neil chuan Molineux-ah cham chhunzawm turin contract thar a ziah hmel. (GiveMeSport)

C Ajax chuan Chelsea leh Brighton manager hlui Graham Potter chu an manager thar atan an ngaihven a. Potter hi Manchester United pawhin Erik ten Hag hmun ruak luahtu atan an duh ve bawk. (Guardian)

C Potter hian a hlawh beisei ang zat tawktarh a nih loh vangin Ajax sawmna hmasa a hnar. (Het Parool – in Dutch)

C Manchester United, Paris St-Germain leh Bayern Munich te chuan Real Madrid leh Ukrainian goalkeeper Andriy Lunin an ngaihven. (Fichajes – in Spanish)

C Manchester United manager Ole Gunnar Solskjaer leh Leeds United boss hlui Jesse Marsch te chu Canada in 2026 World Cup-a an ram kaihruai tura an duh zual zingah an tel. (Standard)

C Napoli chu Lille atanga Canada forward Jonathan David lak tum zingah an tel. (Calciomercato – in Italian)

C Bundesliga club Stuttgart chu loan-a an hawh Germany forward Deniz Undav chu a ngheta la turin an inpeih. (Caught Offside)

C Dutch midfielder Frenkie de Jong chu Barcelona in an hralh tura ring zual zingah a tel a. Spanish club hian Uruguay defender Ronald Araujo leh Brazil winger Raphinha te pawh an hralh mai thei bawk. (Sport – in Spanish)