Guinness World Records Icon- BLACKPINK

K-pop girl group, khawvel huapa tunlai hmeichhe group lar ber BLACKPINK chu Guinness World Records Icon title pek an ni. He group hi member pali Jisoo, Jennie, Rose leh Lisa ten 2016-a an din niin, rimawi khawvelah record an siam nual tawh a, an signature sound leh choreography hmuhnawm tak tak hmangin fans an awi tlei thin a ni.
An group hian Billboard (US) chart bakah khawvel ram hrang hranga pawh chart record an siam nual tawh a, music streaming site lian Spotify-a hmeichhe group stream nasat ber niin, vawi tluklehdingawn 16.9 stream an kai tawh a, YouTube lamah pawh musical group zinga subscriber nga ber niin subscriber maktaduai 100 an nei tling a, YouTube-ah an video ten vawi tluklehdingawn 41.7 en an hlawh tawh a, musical band zinga viewer ngah ber an ni bawk.
BLACKPINK hi K-pop act zinga UK Official Albums Chart leh US lamah pawh Billboard 200 chart-a No.1 kai thei hmasa niin, he record hi an album Born Pink hmanga an siam a ni a, group member te pawhin solo project lamah khawvel huapin fans base pui tham tak an nei vek bawk a ni.