Hamas ten independent Palestinian State ngiat

Top Hamas political official chuan Islamic group te chuan pre-1967 border behchhana independent Palestinian state din a nih chuan Israel nena inkahhai kum nga chuang neih pawh remtiin an ralthuam te tungin political party-ah an inlet ang, a ti.
Khalil al-Hayya an April 24 a interview a neihnaa a thusawi hian Hamas tena an dinchhan Israel nuai bo tih chu kalhin ralthuam tun hial a sawina chuan an tanna a dan takzia a pholang a.
Mahse Israel chuan a uksak rin a ni lo thung a. October 7 a Hamas tena an beih hnuah Hamas nuaichimih vek chu thupuiah neiin 1967 Mideast war-a Israel-in ram a lakte a Palestinian state pian tir chu a duh bau lo bawk.
Al-Hayya hi high-ranking Hamas official niin inkahhai leh mitang inthleng chungchanga inbiaknaah pawh Hamas aiawh reng niin achangin luhlul lam hawiin a sawi a, a changin inremna awm theihna lam hawiin a sawi thin thung.
Al-Hayya chuan Hamas te chuan Palestine Liberation Organisation, an elpui ber Fatah faction tena an kaihhruai chu zawma Gaza leh West Bank ah unified government din an duh tiin a sawi bawk a. Hamas te chuan West Bank leh Gaza Strip ah mahnia inrelbawl ram Palestinian state din a, Palestinian refugees te pawh international resolution zulzuiin Israel pre-1967 border angin thil kal se an duh tiin a sawi a. Chu chu a thleng a nih chuan Hamas military wing chu tihtawp a ni ang a ti bawk.
Hamas te hian political programme an kalpuiah chuan Palestine chhuah zalen tiin luipui atanga tuipui thleng tih niin chumi chu Jordan River atanga Mediterranean Sea sawina niin chu mi karah chuan tuna Israel ram te hi a tel vek a ni.
Israel emaw Hamas tena Gaza atanga kum 2007 a an umcyhhuah Palestinian Authority te chuan engmah chhanletna emaw an la siam lo. Kum 2007 khan Hamas te chuan Gaza a thuneihna an chan hnuah Palestinian Authority te chu semi-autonomous West Bank chauh enkawl theiin an siam zui a ni.
Palestinian Authority te chua West Bank, east Jerusalem leh Gaza huamin independent state an beisei a, heng hmun te hi kum 1967 Mideast war Israel in a chhuhsak te an ni. International community te chuan two-state solution an thlawp laiin Israeli Prime Minister Benjamin Netanyahu hard-line sorkar chuan an hnawl hmak thung.
Tunah Israel chuan Palestinian raltlan maktaduai khat chuang awmkhawm meka chim lama Rafah khawpui chu run a tum leh mek a. Israel chuan Hamas battalion a nuaichimih vek tawh thu sawiin battalion li an la awm a, chung te chu Rafah an an awm khawm tiin a sawi a. Israel chuan Hamas te nuaichimih nan Rafah chu run ngei ngai a ti bawk.
Al-Hayya thung chuan Hamas te nuaichimih tumna chu a hlawhchham dawn a ti a. Gaza chhung leh pawna political leadership leh military leadership te inbiakpawhna chu indonain a tibuai ve lo tia sawiin inbiakna leh thutlukna te pawh inrawnkhawma siam zel a ni a ti bawk a.
Israeli sipaite chuan Hamas te theihna 20% bak a la tichhe lo tia sawi bawkin Hamas te an nuaichimit thei lo a nih chuan eng nge a solution ni ang? tia zawhna siamin Al-Hayya chuan a solution awm chhun chu inbiakna neiha that tlan ve ve na zawn a ni a ti hmiah thung bawk.