Hebrew Bible lilam to hle

Hebrew Bible kimchang leh upa ber chu Sotheby’s New York ah $38.1 million a hralh niin lilamnaa manuscript hralh to ber record a siam zui a ni.
Codex Sassoon hi kum 1,100 kal ta vela ziak kha nia ngaih a ni a. Thuziak zinga upa bera ngaih niin Hebrew Bible lehkhabu 24 lai punctuation, vowel leh accents te nen lama inziah vekna a ni.
US lawyer leh ambassador hlui Alfred Moses chuan Tel Aviv, Isael a ANU Museum of the Jewish people tan a lei a ni.
“Hebrew Bible hi history a thiltithei ber leh Western civilisation innghahna a ni,” tiin Moses chuan a sawi a.
“Jewish mipuite ta a ni ta hi ka lawm a. Ka thil tum ni a, Codex Sassoon in history a pawimawhna thuk tak a nei tih ka hria a, khawvel mitin tena an tlawhpawh theihna tura a awm hi ka lawm a ni,” tiin a sawi.
Tihian kum 1994 a Microsoft co-founder Bill Gates an Leonardo da Vinci scientific book Codex Leicester lei nana $ 30.8 million a pek chu a khum ta a.
Mahse historial document hrim hrim hawi zawng chuan hedge fund manager Ken Griffin an kum hnih kaltaa US constitution first-edition printed copy $ 43.2 million laia a lei chu a la khum lo thung.
Codex Sassoon hi a hmaa a neitu David Solomon Sassoon hming chawitir a ni a, kum 1929 khan leiin London-a a chenna inah Hebrew manuscript hlu ber ber leh lian ber a nei a ni.
Hebrew Bible-ah hian bu 24 a awm a, hei hi Kristian tena Old testament an tih niin Middle Ages hun lai khan Jewish scholar Masoretes chuan note siamin Aleppo Codex chu Masoriet text a langsar ber a ni a. Mahse, kum 1947 khan Syrian city Aleppo a kangmei chhuakah kang telin a original copy phek 487 atangin 295 chauh hmuh turin a awm tawh a.
Codex Sassoon hi carbon dating hmang tehah phek 12 chauh kim lo a awm tiin Sotheby’s te chuan an sawi.
“A tum khat nan Hebrew Bible complete book ni lek lek min pe a, vowel point, cantillation leh note te a mawng lamah dah vek niin engtiangin nge text dik taka ziah dan turte inziah lanna a ni” tiin Sharon Mintz, senior Jewish artefact specialist chuan a sawi.
He manuscript hi chhinchhiah dan chu mi pakhat Khalaf ben Abraham chuan Isaac ben Ezekiel al-Attar hnneah a hralh a, ani hian neitu nihna chu a fapate pahnih Ezekiel leh maimon hnenah a hlanchhawng leh a ni.
Kum zabi 13 khan codex chu north-eastern Syria a Makisin synagogue ah dah a ni a. He khuaa hi kum zabi 13-na lai khan Mongols ten runin an tichhia a, kum zabi 15 velah Timurids an a run leh a, manuscript hi a him theih nan Salama ibn Abi al-Fakhr hnenah dah niin chumi hnuah a chin hriat lohin kum 500 zet a bo ta a ni.
Codex Sassoon neitu hnaivai ber chu Swisss investor Jacqui Safra niin kum 1989 khan London a auction-ah 2.5 million dollar-in a lei a ni.