Hnathawhnaah current man thi

Lawngtlai district Cheural khuaah July 12 khan Lalsangliana (23) s/o F Pahlira chu an hnathawhnaah electric current-in manin a thi.
Thudawn danin Lalsangliana leh a thiante hi in saknaah an inhlawh a, Nilaini khan angle grinder machine hmangin in sakna iron rod lawr an tan bung a, an current lakna extension cord chu zakzehin, amah hi kelawnga hna thawk a ni bawk nen, in chung tui a dai laiin extension cord-a current leak chuan a man ta nia sawi a ni. A bulhnaia a thiante chuan rang takin current hi plug atangin off nghal mah se, electric current hian a lo khawih nat hman tawh bakah a tlukna lamah a chal leh bek inkar a tauh tel leh nia sawi a ni.
Rang takin Sangau damdawi in panpui nghal ni mah se, a nunna chhan hman a ni ta lo a ni.