Hrisel nana tha thlai chi 4

Hrisel nana tha thlai chi 4
Thlai hnah hring hi hnial rual lohin nutrition kan hmuh theihna tha ber pawl a ni a, kan taksa tan a tha tih kan hre reng nachungin kan ei tha leh peih lem hlei lova!
Times of India health section-in thlaihnah hring zingah pawh a tha zual ni a an sawi te kan rawn tarlang a, ei luih hram hram a pawi lo viau ang.
1. Broccoli: Broccoli hi ‘wonder food’ an ti hial a, cancer damdawi niin an sawi. Broccoli hi lung (heart) natna nei te tan pawh a tha niin an sawi a, stroke te pawh a veng thei niin an sawi. Iron a pai hnem a, hei vang hian amaemia patient tan pawh a tha. Brocolli chu kan chhum a nih pawhin hmin lutuka chhum loh tur a ni. A hmin lutuk chuan a nutrient pai a hloh hnem dawn a ni.
2. Zikhlum: Hel ei emaw, chhum hmin emaw pawhin a tha ve ve. Vitamin A a pai hnem hle a, hei vang hian vun leh mit tan a tha hle. Zikhlum-ah hian phytonutrients a awm a, chu chuan kan taksaa free radicals (free radicals chu atoms unpaired electron pakhat emaw a aia tam emaw nei a ni a, mi tiupa hmantu, lung natna thlen thei leh cancer thenkhat siam thei niin an sawi) bei lettu a ni. Chuap, pum leh colon prostate cancer tan pawh a tha niin an sawi. Iodine a pai hnem a, hei vang hian body building lama tui te tan chuan zikhlum hi tihrawl siamtu tha tak a ni a, ei tam chi tak a nih hmel.
3. Chana mu tiak: Chana mu tiak deuh iarh tawh salad vela telh hi a tha khawp mai. Vitamin C a pai hnem a, hetiang freah tha tak pum 6 velah hian nilenga vitamin C i mamawh tur zat a awm thei niin an sawi. Vitamin A, B leh E te pawh a pai hnem a, calcium, iron leh potassium te pawh a paihnem hle.
4. Lettuce: Lettuce rau rauah pawh Romaine lettuce hi a hrisel ber niin an sawi a, vitamin A, B leh C bakah folic aicd, manganese leh chromium te a pai hnem a, calorie a awm mang loh vangin salad atan pawh a tha hle. Lettuce-ah hian iron a tama, chu chu thisen siamtu pawimawh tak a ni. Thluak leh nerve tana tha magnesium pawh a pai hnem hle.