Hriselna atana chawtha Bawrhsaiabe

Hriselna atana chawtha Bawrhsaiabe
Keinin bawrhsaiabe kan ti a, lady’s finger, bhindi leh okra te pawh an ti. He thlai rah hi mizo chawhmehah pawh kan hriatlar pawl tak a ni a, a chhum emaw, kan emaw, bai emaw pawhin kan ei fo taw ang. Taksa hriselna atana chaw tha tak tak a lo pai teuh mai a, healthbeautyfitness.in-in bawrhsaiabe thatna ni a an sawi te kan rawn tarlang e.
1. Bawrhsaiabeah hian fibre a tam a, chu chuan blood sugar level a control a, diabetes tan chawtha tak a ni.
2. Iron a pai hnem a, chu chuan thisen a siam chak a, anemia (thisen tlakchham avanga dawldang) te tan chaw tha tak a ni.
3. Bawrhsaiabe chu thlaiah rau rau dietary fiber kan hmuh theihna tha ber pawl a ni a, chu chu chaw paitawihna (digestive system) tan a tha hle. Ek khal tur a veng thei.
4. Calorie a pai lo a, diatery fiber a pai hnem a, chuvangin intih cher tum te tan chaw tha tak a ni.
5. Ril a tifai a, chuvangin colon cancer risk a tihniam thei.
6. Bawrhsaiabe-a soluble fiber awm hian serum cholesterol a tihniam a, cholesterol level a control theih avangin lung (heart) hrisel nan a tha hle. Pectin a pai hnem bawk a, hei hian body-fluid cholesterol a tihniam thei bawk.
7. Minerals pawimawh tak tak magnesium, manganese, calcium leh iron te a pai a, hei hian kan taksa free radicals-in a tichhe tur vengin natna kan dolet theihna a tichak thei.
8. Vitamin A leh beta carotene a pai a, chuvangin mit (eye) tan chaw tha tak a ni.
9. Folate a pai hnem a, chuvangin nu naupai lai tan ei tam a tha. Folete chu nu pum chhunga nau insiam than nan a pawimawh hle.
10. Sam enkawl nan pawh a tha, bawrhsaiabe chhumna tuiah ser tui tlem pawlh la, chu chu lu suk nan hmang la, chu chuan luphut a tireh theih a, sam a ti tha duh