I ‘ex’ lakah ‘No’ tih rawh!

I ‘ex’ lakah ‘No’ tih rawh!
Ngaihzawng te bula ‘ex’ te chanchin sawi chu”No no no no” a ni tawp mai.
A hmei a pain kan ngaihzawng te ‘ex’ chanchin hriat hi nuam kan ti lo, a bik takin a sawitu kan ngaihzawng te an nih leh lek phei chuan! I ngaihzawng hlui chanchin i sawi mawlh mawlh a, tuna i ngaihzawng chu a lo thu ngawi reng a. Ngati nge engmah a sawi ve loh? A chhan chu i ‘ex’ chanchin kha a ngaihthla peih lo. Hei hi hre reng rawh, hmangaihna lamah chuan mipa leh mipa an inthik a, chutiangin hmeichia leh hmeichhia pawh.
I ‘ex’ nena in inkar chu a tha viau pawh a ni thei, chutah i ‘ex’ leh tuna i ngaihzawng chu an inkawmngeih viau pawh a ni thei, chutiang pawh chu ni mahse ingaihzawng chuan i ‘ex’ chungchang chu a ngaithla peih miah lo a nia. In intawn dan leh hun in lo hman dun tawh te kha sawichhuah chi a ni lo, i tehkhin emaw a ti tlat dawn a, chu chu intihthiam lohna bul tantu a ni ngei ngei thin.
Thik tir i tum vanga i ‘ex’-in thil a lo tihsak tawh che te i sawi chhuak a nih chuan, i ngaihzawng mood i tichhe vek dawn tih hre lawk rawh. Tichuan in inhau ang a, tum loh deuhin inthenna pawh a thlen daih thei. I ngaihzawng tanga hlim taka bei mai kha a tawpa inhauh leh vak thin ai chuan a tha daih zawk a nia.
Eng emaw harsatna i nei emaw, i ngaihzawng nena in inkarah harsatna a awm emaw pawh a ni thei, chutiang hunah chuan i ‘ex’-in tanpui che a tum a nih chuan ‘No’ tih hmak tur. Engah emaw a lo pui che a nih chuan tuna i ngaihzawng khan thik tak tein a thik dawn a nia!