I hmangaih lo a ni lo’ng maw?

Midangin an hmangaih leh hmangaih loh che hriat theih dan kan tarlang tawh, tun tum chu nangman i hmangaih leh hmangaih loh inhriat theih dan kan rawn tarlang ve leh thung e.

Tu emaw nen in inngaizawng ve deuh te pawh a ni mai thei, i ngaihzawng chu i hmangaih tak tak em? Nge a thlakna tur midang i melh ru reng zawk? Hei le, i rilru i siam fel theih nan i hmangaih leh hmangaih loh hriat theih dan ni a relationship lama mithiam te sawi kan rawn tarlang e.

1. Phone call emaw, khawiah emaw inhmuh aiin SMS in thawn mai i thlang zawk em? Chutiang a nih chuan i hmangaih tak tak lo tihna a ni thei. Eng anga buai leh hman lo pawh ni la, i ngaihzawng aia pawimawh dang i neih chuan inngaihtuah nawn a ngai.

2. Ani aia tha zawk tawng leh mai tura inrinna i nei em? Chutiang chu tawng ta la i thlauhthla mai ang em? CHutiang rilru i pu deuh a nih chuan i hmangaih tak tak lo tihna a ni thei.

3. Inhmuh in intiam tawh a, mahse, eng emaw chhuan lam ho te te a thulh san leh mai i hreh lo em. I thinlung i pek tawh tak tak chu i thulh san mai mai phal dawn miah lo a nia. Chutiang rilru i pu a nih chuan, midang laka i rilru pek leh mai i harsat dawn lo. I hmangaih lo tihna a ni thei.

4. Midang han melh no vel i pawiti tehchiam lo em? Chuti a nih chuan tuna i kawppui kha i hmangaih tak tak lo tihna a ni thei.

5. I thian ten in inkar boruak an hriatpui lo che. I thiante pawhin i ngaihzawng chu an hriatpui lo che a nih chuan i hmangaih tehchiam lo tihna a ni thei. Inngaihzawn rei ve viau tawh hnuah pawh thian ten min la hriatpui lo a nih chuan kan zzp tihna a ni a, thiante hriatpui pawh kan duh loh chu kan hmangaih tak tak lo tihna a ni thei.
6. Eng emaw hlekah thinrim mai i awlsam. Hoteah pawh thinrim mai i hreh lova, inthen rawt se pawi i ti lo. Chutiang a nih chuan i hmangaih lo tihna a ni thei ang.

7. Mi zinga awmdun nuam i ti lo. Mi zingah inkuah ngawih ngawih tih lam a ni lo, inkaih satliah mai mai pawh i hreh a nih chuan i hmangaih tak tak lo tihna a ni thei.

8. A mizia leh thiltihah ei loh i ngah riau. A nuih dan mai mai te, a thawmhnaw hakah te sawisel tur i ngah viau a nih chuan i hmangaih tak tak lo tihna a ni thei.