I text a reply ran leh ran lohin i laka a rilru put dan a tilan

I text a reply ran leh ran lohin i laka a rilru put dan a tilan
Kan duh rilruk deuh te kan text a, tawngkam tha ve pangngai takin min chhang a, mahse, an rilru tak tak a hriat theih si loh, chiang lo deuhin kan awm a. Min duh ve deuh niin kan hria a, a changin min duh ve lo ni ten kan hre leh a. Kan text te a rul tawk leh eng emaw ti takin min reply ve zel bawk si.
Mahse, i text a reply vang ngawt khan a duh ve che tihna a ni lo. A tawngkam tha leh a polite-na kha i lo a duh ve ta che tihna angah i lo ngai palh hlauh ang e. A rilru tak tak i hriat theih dan tur awlsam ber chu i text a reply ran dan kha a ni. I text a deliver vek a, WhatsApp-ah phei chuan a read receipt a awm zui a, a chhiar leh chhiar loh a hriat theih. I text hnuah a chhanna i nghah deuh vang vang a ngai a, a rawn reply tawh em le, ti a i phone i check deuh sek a tul thin a nih chuan chuti takin a rilruah i tlana ve lo tihna a ni.
Relationship psychologist Dr Max Blumberg chuan min kan text an reply ran dan atangin min ngaihpawimawh dan eng emaw chen a hriat theih niin a sawi a, kan laka an rilru put hmang pawh kan text an reply ran danin thui tak a lantir niin a sawi bawk.
Dr Blumberg chuan, “Miin a ngaina che a nih chuan i text a reply rang thin ang. A buai em em lai pawhin i text reply-na hun chu a nei thei zel ang, chutiang ni lo va i text a reply har viau a, zinga i text kha chhunah emaw, zanah emaw te a rawn reply chauh a nih chuan a lakah chuti takin i tlana lo tihna a ni,” a ti.