imawi khawvelah Zuckerberg

Rimawi khawvelah Zuckerberg
Hausak leh lar hian zaithiam te pawh a awlsam deuh a ni mah na, Facebook neitupa, khawvela pahausa zual top 5 a langpha, Mark Zuckerberg pawh hla thar a nei ve ta tlat mai. Mark leh T-Pain te chuan Lil Jon hla an cover-na, an acoustic duet ‘Get Low’ an tichhuak ta.
Mark Zuckerberg leh T-Pain te hian an hmingah Z-Pain an inti a, ‘Get Low’ cover pawh hi Z-Pain angin an tichhuak. Mark hian Instagram Story-ah T-Pain nena an thlalak post-in, “A tak a tleng ta,” tiin a caption a dah a, a hnu lawkah T-Pain pawhin chu thlalak tho chu sare ve lehin, Zuckerberg chu ‘Z’ ti a sawiin, “A hun ta e,” a ti ve bawk.
Get Low hi Lil Jon leh East Side Boyz 2002 album ‘King of Crunk’ atanga single niin, Billboard Hot 100-ah No.2 kaiin, an group pawhin an larchhuah phah ta a ni.
Zuckerberg chuan T-Pain nena an hla cover hi a nupui Priscilla Chan nena an inneih champha thilpek atan a tih niin Instagram-ah chuan a tarlang a, “Priscilla nen college party-a kan intawn laiin ‘Get Low’ hla hi an zaitir lai a ni a, chuvangin kan dating anniversary apiangin kan ngaithla ziah a ni. Kumin chu @tpain nen thawk dunin, he hla thu ropui tak hi keimahni version-in kan ti ve ta a ni. Spotify-ah ngaihthlak theihin a awm e. Love you P,” a ti bawk.