In inkar tichhe thei thil panga

In inkar tichhe thei thil panga
I hmalam hun ngaihtuaha i insawrbing nasat lutuk vang emaw, i kawppui chu a nunphung nen lama thlaksak i tum a nih chuan a bansan thuai mai ang che tih a hlauhawm.
Inngaihzawnna leh nupa nunah tih tur leh tih loh atana tha te a awm nual a. Tih tur aia tih loh tur lam hi i chawi lar zawk a nih chuan ‘hlim takin an awm dun ta a’ tih hi inhlat deuhin a rinawm. Tun tumah hian relarionship lama mithiam ten inngaihzawnna leh nupa nun a kan inkar tichhe theitu thil pasarih an tih te kan rawn tarlang e.
1. I kawppui chu a dik lohna leh a tihsual i hmu fuh thei viau a nih chuan in inkarah harsatna a thleng hnai tih chhinchhiahna pakhat a ni. A thawmhnaw hak atanga a tawngkam thlengin sawisel tur i nei a nih chuan, in inkar a chhe har lo ang tih hre lawk ran ang che. I kawppui chu a tha viau a, mahse ‘perfect’ chu a ni lo i ti rilru a ni maithei. Chuvanga a nundan leh khawsak dan thlenga thlak danglam sak i tum a nih chuan in buai ang. Ama duh zawng leh nuam tih zawng a tih ve theihna hun thawl tha pek aia i khap beh tlat chuan in buai har lovang.
2. I hna leh eizawnna chu a pawimawh lutuk, mahse, chu ringawt chu ngaihtuahin thildang hlamchhiah phah suh. I kawppui bula i awm lai te leh in titi-na reng reng i hna chungchang- in buaina leh harsatna emaw in hlawhtlinna emaw ringawt sawi tum suh. I hnaah ringawt i insawrbing a, i kawppui nena in inkar lam i hlamchhiah emaw, in in chhung boruak lam i ngaihthah a nih chuan, in inkarah harsatna a thleng hnai.
3. Darthlalangah i inen a, “I chhe lo e,” te pawh i ti sap sap thin a ni mai thei. Mahse, chutianga ngaihzawng te bula mahni infak chu a fuh tehchiam lo, in lo inzui fuh tawh viau a nih pawhin in inkar tichhetu a ni thei.
4. Inhmangaihna piah lama pawimawh chu inrintawnna hi a hi. I ngaihzawng/kawppui chu i ring zo lo a, i ringhlel deuh fo a nih chuan in inkar a chhe thuai ang. Tu nge a biak a, tu nge a kawm, khawiah nge a kal, eng nge a tih, tih te i chhui ru deuh fo a nih chuan in inkar tha tawh sa kha i tichhe leh vek thei a nia.
5. Phunchiar lutuk suh. I hnathawhpui te nen in inmil loh thu te, i thiante zinga ngei i neih thu te, i chhungte lakah i lungawi loh thu te leh thil dang dangah pawh sawisel tur i ngah viau chuan ngaihzawng te leh kawppui te tan ninawm lamah a kal awlsam hle.