Inter District Wrestling Championship & Mizo Title Challenger

Inter District Wrestling Championship
& Mizo Title Challenger
October ni 8, Nilaini zan atang khan MSSC Hall, Sihphirah Mizoram Wrestling Association (MWA)-in Mizoram State Sport Council (MSSC) Golden Jubilee puala a buatsaih Apex Bank 8th Inter District Championship & Mizo Inchai Title Challenger chu khelh tan a ni.
Zaninah championship hi khar a ni ang a, kharna hun hi John |anpuia, MCS – Director, LESDE-in a hmanpui ang.
He inelnaah hian district hrang hrang atangin wrestler 100 chuang zet an fuankhawm a; a bulṭannaah bout 10 a awm.
Apex Bank 8th Inter District Championship & Mizo title Challenger-ah hian Mizo Inchaia Pa te, Pa laihawl leh Pa lian, Nu te, Nu laihawl leh Nu lian champion mekte kawnghren chuhpuitu tur zawn a ni ang.
Mizo Pa lian champion Lalsangliana kawnghren chuhpui tumin Pa lian inchai chak pahnih an inlan a; Nu lian champion lai Hmangaihsangi kawnghren chuhpui tumin Nu lian inchai chak mi pahnih an inlan dawn bawk.
Tarlan tak angin, he inelna hi October ni 9, chawhnu dar 2 khan hawnna hun hman a ni a; MWA senior vice president Lalchuangliana’n inkhawm tawi kaihhruaiin, he opening ceremony-ah hian SYS Director H. Lalhmingthanga, MCS chuan khuallian niin a hmanpui.
Lalhmingthanga chuan infiammite fuihna thu sawiin, “India ramin kum 2036-a Olympic a thlen turah Mizoram atangin infiammi pakhat tal kan tel ve theihna turin Mizoram sorkarin nasa takin hma a la, infiammi mite Olympic 2026 thlir rana nun uluk tur te, zan meng rei lo leh mawm ei tam lo turin ka chah che u a; rilru leh taksaah hnam fit tak ni turin ka sawm che u a ni”, a ti.