mangaihte nen inthen a, kawppui nei lo a awm chu thil buaithlak ve tak a ni a, hmangaih dang han zawn leh pawh a buaithlak viau leh huphurhawm viau turah i ngai a ni mai thei, mahse, psychologist te chuan vawi khat hmangaihna kehchhia avang maiin hmangaih dang tawn leh theihna chance a bo ta tih na a ni chuang lo, an ti tlat mai.
-- Advertisement --
A tawp ta tih pawm thiam a, eng vanga kehchhe ta nge in nih tih te a chhan hriat tum a, chutiang boruak chu i tawh tawh loh nana inzirthiam nan hman phah zawk hlauh tur niin an sawi. Psychologist ten nuam taka ‘single’ nih leh midang han melh kual leh awlsam dan ni a an sawi te kan rawn tarlang e.
1. In inthen ta rau rau a nih chuan intihlunglen a, indawm kun reng ai chuan i ‘single’ nun thar chu nuamti takin hmang zawk rawh. Tunah chuan a mitmei ven ngai miah loin i duh duh danin i awm thei a, i duh zawng apiang i ti thei tawh a lawm. Sawiseltu tur che a awm tawh lo.
2. Hawi thawveng la, i mit te len kual rawh. Inthen tih vanga in-a tawm ngawt ngawt tur a ni lo, mithar tawng turin i chet chhuah a ngai. Ina i tawm reng chuan mithar tawnna chance a tlem lutuk, chuvangin i duh zawng lamah i mit len rawh. I thiante pawh i ina lengah sawm khawm la, a theih phei chuan party te buatsaih la, i intih hlim zawh poh leh midang i tawn lehna theihna chance a tam tih hria ang che.
3. Inchei nalh rawh. Inthen tih vanga bawrchhawr taka awm reng tur a ni lo a, a hma zawng aia intih nalh a, inchei uar zawk tur a ni. Inti faiin i sam te cut thar la, thawmhnaw thar nen, confi takin leng chhuak rawh le.
4. Nghak peih rawh. I tawn hmasak apiang lakah rilru no pu nghal ngawt suh ang che. I kawppui awm mi a ni em tih te chik takin en la, hmanhmawh loin muang fan raihin chet la tawh zawk ang che. I tawn sual tawh avangin fimkhur dan pawh i thiam tawh ngei ang.