Jenni Rivera pualin Hollywood Walk of Fame-ah arsi dah dawn

Regional Mexican star Jenni Rivera thih hnuah a pualin Hollywood Walk of Fame-ah arsi da a nih tur thu Hollywood Chamber of Commerce chuan a puang a, Jenni arsi hawnna hi June ni 27-ah neih a ni ang.
“La Diva de la Banda’ tia hriat lar Rivera puala walk of fame-a arsi an dah tur hi arsi 2783-na a ni tawh dawn a, recording category atanga dah tur a a ni. A puala arsi hawnna hi Mexican pop star Gloria Trevi-’n a kaihruai anga, caremony-ah hian Rivera fate- Jacqie, Johnny, Chiquis, Jenicka leh Michael te pawh an tel ang. A fate hian an nu aiawhin arsi hi an dawng dawn a ni.
Jenni Rivera hi kum 43 mi niin, December ni 9, 2012 khan a thi a, a lar vanglai tak a ni nghe nghe a, a hunlaia regional Mexican lama hmeichhe hlawhtling ber pawl niin, Billboard Latin chart-ah pawh a hlawhtling le a ni. A hla ‘Inolvidable,’ ‘De Contrabando,’ ‘Basta Ya,’ leh ‘Resulta’ te pawh a larpui hle.