Jung Kook & Latto ‘Seven’ kar 7 a No.1 ta
Jung Kook ‘Seven’ featuring Latto chu Billboard Global 200 chart-ah a No.1 a, he chart-a a zawna kar sarih a No.1-na a ni ta. Hetihrual hian Zach Bryan ‘I Remember Everything’ featuring Kacey Musgraves pawh chatt top 5-ah a debut a, Miley Cyrus ‘Used to Be Young’ pawh top 10-ah a debut.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Jung Kook ‘Seven’ featuring Latto hian kar khat chhungin stream maktaduai 97 leh download sales 12,000 a la tling thei a, hei hi a kar sarih nan chart-ah a No.1 pui leh ta a, he hla hi kumina he chart No.1-a debut thei zingah chuan No.1 ni rei thei ber a la ni.
Doja Cat ‘Paint the Town Red’ chu stream maktaduai 64.2 leh sales 9,000 tlingin No.3 atangin No.2-ah a insawn a, he chart-a a tawn sân ber a la ni. Taylor Swift ‘Cruel Summer’ chu No.4 atangin No.3 a kai thar ve leh ta bawk.
Zach Bryan hla thar ‘I Remember Everything’ featuring Kacey Musgraves chu stream maktaduai 38.3 leh sales 11,000 tlingin No.4-ah a debut a, Zach leh Kacey te tan he chart top 10-a an lan vawi khatna ve ve a ni. He hla hi Billboard Hot 100 chart-ah chuan No.1-ah a debut a, he hla awmna album ‘Zach Bryan’ pawh Billboard 200 (albums) chart No.1-ah a debut bawk.
Miley Cyrus hla thar ‘Used to Be Young’ chu stream maktaduai 39.4 leh sales 27,000 tlingin No.6-ah a debut a, Miley hla he chart top 10-a lang thei pathumna a ni.
Karol G leh Peso Pluma ‘Qlona’ pawh stream maktaduai 45.8 tlingin No.12 atangin No.9 a kai ta a, Karol G tan he chart top 10-a lang thei hla panga a neihna niin, Peso Pluma tan a palina a ni ve thung.
Billboard Global 200 Top 10:
1 Seven – Jung Kook Featuring Latto
2 Paint The Town Red – Doja Cat
3 Cruel Summer – Taylor Swift
4 I Remember Everything – Zach Bryan Featuring Kacey Musgraves
5 Dance The Night – Dua Lipa
6 Used To Be Young – Miley Cyrus
7 LaLa – Myke Towers
8 What Was I Made For? – Billie Eilish
9 Qlona – Karol G & Peso Pluma
10 Rich Men North Of Richmond – Oliver Anthony Music