Kamthi kawng chhawngin record siam

MahaMetro chuan Guinness World Records siamin, Nagpur-a Kamthi Road-a kawng chhawng an siam chu Guinness World Records-in khawvela double-decker thui berah a puang.
Maharastra Chief Minister Devendra Fadnavis chuan he hlawhtlinna hi chhuanawm a tih thu sawiin, khawvel huapa khawpui lian zingah Nagpur-in mellung pawimawh a thleng ni a a hriat thu sawiin, MahaMetro chu khawvel hriat tham hna an thawh avangin a lawmpui thu a sawi bawk.
India-a Guinness World Records aiawhtu Swapnil Dongrikar chuan record siam hriatpuina GWR certificate hi MahaMetro Managing Director Shravan Hardikar nen Chief Minister hriatpuinain a hlan a ni.
He kawng chhawng (double-decker), Kamthi Road ami hi km 5.637 a thui niin, single-column support a ni a, Metro rail leh highway traffic atan hman a ni. A hmain Chhatrapati Nagar, Nagpur a double-decker km 3.2 a thuiin record a lo siam tawh bawk a, Kamthi Road kawng chhawng hian record thar a rawn siam leh ta a ni.