Kar tawp khan European top 5 league khelh chhunzawm a ni a, inkhel hmuhnawm tak tak a awm leh nual mai. Chawlhkar dangah pawh kan lo tih tawh Thin angin kar tawp football a thil thleng langsar kan thlir kual leh thuak thuak ang.
English Premier League
Pathianni zan khan English club zinga inhal ber ang hiala ngaih Liverpool leh Manchester United te chu Anfield-ah an inhmachhawn a, goal awm lovin an inhnehtawk. Liverpool hian United lakah shot vawi 34 zet an nei a, kum 2003-2004 hnu lamah goal khung lova shot ngah ber an ni.
-- Advertisement --
Season kal mekah beisei phak bangin Aston Villa an khel Tha a, Pathianni zan khan 2-1 in mualneitu Brentford an hneh. Villa hi kum kal mekah vawi 25 an chak tling chiah a. Top-flight-ah kum khat chhunga an chak tam ber Tum record an siam.
Inrinni zanah si hnih faia Sheffield United an hneh Tumin Chelsea forward Raheem Sterling chuan assist a nei. Sterling hian Premier League-ah goal 120 thunin, assist vawi 61 a nei bawk a. EPL goal 181 ah inrawlhtlingin Michael Owen leh Dennis Bergkamp te record a nih rual.
Inrinni zanah Newcastle United in 3-0 a Fulham an hneh Tumin kum 17 leh ni 229 a upa Lewis Miley chuan goal a thun a. Miley hi Newcastle tan EPL a goal thun thei naupang ber a ni a. EPL ah goal thun thei naupang ber dawttu ni bawkin, amah aia naupang chu kum 17 leh ni 226 a upa Manchester United player Federico Macheda a ni.
Spanish LaLiga
Barcelona forward pawimawh Robert Lewandowski-a’n goal thun kawngah harsatna a tawk zui zel. Poland captain hian goal thun theih ngeina tura ngaih chance vawi 12 ngawt a hlah zawn tawh a. Laliga season kal mekah amah aia chance Tha hla hnem an awm lo.
Pathianni zanah Real Madrid in 4-1 Villareal an hneh Tumin kum 38 leh ni 99-a upa Luka Modric chuan goal a thun bakah assist a nei a. Modric hi season kal meka Europe’s top five leagues-ah game khat a goal thun bakah assist nei kawp thei upa ber a ni.
Villareal an hneh Tum hian Real Madrid tan Jude Bellingham chuan goal hmahruai a thun a, khelh 15 aTangin goal 13 a thun tling der tawh. Laliga-ah khelh 15 aTanga goal a thun hi Bundesliga-ah khelh 92 aTanga goal 12 a thun aiin a tam tawh zawk. Bellingham hian LaLiga match hmasa 15 aTang Cristiano Ronaldo goal thun zat a nihrual chiah bawk.
Italian Serie A
Napoli player Khvicha Kvaratskhelia chu Serie A game 49 a khelhah goal 17 thunin, assist vawi 13 a nei bawk a, goal 30-ah a inrawlh. Serie A-ah Domenico Berardi chiah goal 30 a inrawlh tlin nana game mamawh tlem lamah a chung aleng an awm. Berardi hian Serie A a khelh hmasa 42 aTangin goal 31 ah a inrawlhtling.
Sassuolo player pawimawh Domenico Berardi chu Serie A a khelh tirh aTangin goal 200 ah a inrawlh tling ta chiah a, goal 122 a thun bakah assist vawi 78 a nei tling bawk. Berardi aia goal a inrawlh tam chu goal 236 a inrawlh tling Ciro Immobile chiah a ni.
German Bundesliga ; Bayern Munich forward Harry Kane chuan season kal meka inelna hrang hrangah goal 30 a thun tling der tawh a, Europe’s top 5 league-ah goal thun tam ber a ni a. Forward dang goal 20 thun tling an la awm lo va, Kane hnaih bertu Erling Haaland pawhin goal 19 chuah a la thung.
England captain Kane hian Bundesliga season kal mekah goal 20 a thun tling tawh a. Season khatah Bundesliga-a goal 20 thun tlin ran lamah Robert Lewandowski leh Gerd Müller record a nih rual.
Xabi Alonso enkawl Bayer Leverkusen chu inelna hrang hrangah an cheTha chhunzawm zel a. Inelna hrang hrang an hmachhawn hnuhnung vawi 24 zetah tlawm an nei lova, vawi 21 an chak a, draw vawi thum an nei tawh. German professional football-ah inelna hrang hranga vawi 24 tlawm nei lo zawn thei pahnihna an ni a, kum 1982-83 a Hamburger SV record siam an nihrual.
French Ligue 1 ; PSG forward Kylian Mbappe chuan Lille nen 1-1 a an inhnehtawk Tumin penalty a pet goal. Mbappe hian PSG tan goal 231 a thun tawh a, heng zinga 12% (goal 28) zet hi penalty aTanga a thun a ni. Mbappe hian Ligue 1-ah goal 180 a thun tling chiah a, Gunnar Andersson leh Carlos Bianchi te record khumin, Ligue 1-a goal thun tam lamah pariatna a ni.