Aizawl East-II bialtu MLA, minister Robert Romawia Royte chuan a bial chhung Armed Venga Vengnuam huamchhunga kawng siam mek chu Nilaini khan a endik a, kawng siam mek chungchangah a bulhnaia chengte titi puiin an rawtna a ngaithla a, hmalak dan tur an sawi ho.
Bialtu MLA hian check dam siam tura hma lak mek pawh endik nghalin, check dam siamna’n hian cheng nuai 300 a awm tawh a, tha taka hna thawh an duh tih a sawi a. Check dam tha an duh avangin contractor tha pawh an duh tih sawiin, hna thawh theih a nih hunah helai hnai atangin inhlawh duh an awm a nih chuan an duhsak dawn tih a sawi a ni.
Armed Veng field siamthara kopang lam chu mipui himna atan hmalak dan tur leh a bula tuiluankawr siamthaa a khuhna siam dan tur ngaihtuah a tum tih Sports minister Robert Romawia Royte hian a sawi.
Kawng siam mek mipui sawipui
Get real time updates directly on you device, subscribe now.