Khawvela hming sei ber

Khawvela hming sei ber
Australia a cheng Laurence Watkins hi a hmingpumah chuan thumal 2,253 lai a awm a, Guinness World Records-in khawvela hming sei berah a puang. Khawvela hming sei ber nei tur hian mahni a duh duh a inphuah ngawt kha GWR hian an pawm lo a, sorkar pawmpui ngei hming a nih a ngai.
Laurence Watkins hian March 1990 atang khan a hming hi sorkar hriatpuina thlapin a thlak a, a hming puma ko tur chuan darkar chanve vel tal hun a mamawh! Chutah amah ngei pawhin a hmingpum hi a hre seng bik lo a, lehkha a inziak a chhiar chhuah ve tho a ngai!
Chutah a hminga thumal awm thenkhat chu amah ngei pawhin a lam dik hleithei lo. |henkhat chu sap tawng un, tawng upa a ni a, a then Latin, a then Bible lam hming te a ni a. A nupui neih ni pawhin, “Kei….hian” tiin a hming pum lam chhuah a ngai si a, amah pawhin a hre seng bik si lo a, an hming pum a sawina an record an playback tawp mai a ni.
Hetiang khawpa hming sei pu thei tur hian sum pawh a seng ve nual a, a awlai vak lo lehnghal a. A tirah District Court-in a dilna chu a lo pawm sak a, mahse, Register General-in a lo hnawl ve thung. Chutah beidawng mai lovin New Zealand-a High Court-ah a kal leh a, High Court hian a hming thlak chu a lo phal sak ta a ni.
Mahse, Laurence-a’n a hming a thlak hnu lawkah sorkarin dan thar a siam a, hetiang khawpa hming sei hi miin an inphuah theih tawh lohna tur dan an nei ta a ni.