Lungphu chawl avangin khelmualah football player-te an lo tlu (collapse) zauh zauh tawh Thin a, a vannei Thenkhat an damchhuak leh a, a vanduaite chu an kal hlen Thin a, karliamta Inrinni pawh khan Premier League match pakhata Bourne-mouth leh an mikhual Luton Town inkhelh lai second half minute 65-ah captain Tom Lock-yer chu khelmualah nikhaw hre loin a tlu a, inkhel tihtawp hlen zui nghal a ni.
Lockyer tluk lai hian team pahnih hi sikhat ve ve thunin an inhneh-tawk mek a; a tluk lai chiah hian a bul hnai setah player dang an awm lo a, rang takin player-te leh Luton manager Rob Edwards-te’n an pan nghal a, damdawi thiamte’n enkawl zui nghalin, khelmual aTanga zawn-chhuah a nih lai khan mipuiin thlawpna thawm an lo chhuah a ni.
Team pahnih player-te paw’n khelmual chhuahsan zui ve nghal-in, a hnu lawkah stadium announcer chuan chumi ni atana inkhel a tawp hlen thu a puang.
A hnu deuhah Luton chuan X kaltlangin hun harsa a tawh laiin Tom Lockyer an ngaihtuah reng tih an sawi a, Lockyer chuan amah bawisawmtute a chhanglet Tha tih sawi chungin thil awmdan dik tak an la puan theih loh thu an tarlang a, Bournemouth bakah team pahnih medical staff-te chungah lawm-thu an sawi nghal.
Centre back ni mek Lockyer hi khelmuala a tluk vawikhatna a ni lo a, kumin May ni 27 khan Luton chuan an promotion playoff final-ah Coventry City hma-chhawnin, kha Wem-bley stadium match-ah pawh khan lung Tha lo avang bawk hian a lo tlusawp tawh a ni.
Khami Tum khan damdawi inah ninga a riak a, a lung hnathawh pui turin a lungah dah an nei a, a dam Tha tih puan a nih hnuah Luton tan pre-season training a zawm a, tun hi a thleng leh ta a ni.
Khelmuala nikhaw hre loa tlu Lockyer A vawikhat tlukna a ni lo!
Get real time updates directly on you device, subscribe now.
Prev Post