Khualbuk atanga kangmei chhuakin dawr tam tak tichhia

Khualbuk atanga kangmei chhuakin dawr tam tak tichhia
Sonmarg district, Jammu & Kashmir-ah Inrinni khan khualbuk atanga kangmei chhuakin a bul hnai dawr tam tak a kang kai a, dawr a tihchhiat nasat avangin dawr neitute ei zawnna a buai phah hle.
Kangmei chhuakah hian thi leh hliam an awm hriat a ni lo va, dawr leh khualbuk tam tak erawh a chhia.
A kan chhan hi hriat a la ni lo va. IANS chuan Sonmarg bazara Hotel Sounsar atanga intan niin a tar lang.
Ganderbal deputy commissioner chuan Gund Kangan fire services, Army, State Disaster Response Force leh tual chhung miten a thelh hna hi an thawk niin X-ah a tar lang.
“Kang thelhna panga hmangin thelh hna thawh a ni a, thelh mih a ni tawh a. A thelh pawh a hautak hle a ni,” tiin hotu sang pakhatin a sawi.
Chief Minister Omar Abdullah pawhin he thil thleng hi a ngaihven reng thu leh tual chhung thuneitute hnenah a theih ang anga puihna leh tih tur ti tura a hrilh thu a sawi.
Khualbul atanga kangmei chhuak hian a bul hnai dawr a kan chhiat vek avangin dawr neitute an mangang hle a. An ei bel ber a chhe vek a, an bungrua tam tak a kang chhe bawk a, an tan engmah tihngaihna a awm bawk si lo tih thuthar lakhawmtute hnenah an sawi.