Kourtney a ruaklo

Kourtney a ruaklo
Kourtney Kardashian leh a pasal, Blink-182 drummer Travis Barker te chuan nau an neih tur thu an puang a, Kourtney, kum 44, hian Instagram-ah “Travis nau ka pai” tih sign, June ni 16-a Los Angeles-a Blink-182 concert-ah a lek lang lai a post a, a hnuah a pasal hi an chanchinthar lawm nan a chuks zauh bawk.
Kourtney leh Travis te hi nikum May thla khan Italy-ah an innei tha leh a, tum thum inneih thuthiam an chham thatna a ni twh. A hmasa ber chu Las Vegas-ah nikum April khan ‘tiam tlat e’ an ti a, mahse, inneih phalna an la neih hma a ni a, kar khat hnuah Santa Barbara, California-a courthouse-ah an inkutsuih tha leh ta a ni.
Tunah chuan an nupain chhungkaw bungthar an kai dawn a, an nupaa an fa hmasa ber tur a ni nain, Kourtney hian Scott Disick lakah fa pathum- Mason, kum 13, Penelope, kum 10 leh Reign, kum 8, a nei tawh a, Travis pawhin a nupui hlui Shanna Moakler nen fa pahnih- Landon, kum 19, leh Alabama, kum 17, te a nei tawh bawk a ni.
Kourtney leh Travis te hian 2021 kum tir atanga inzui tan an ni a, kum khat zenzawn an inzui hnuah nikum khan inneiin, an inneih hnuah nau neih tumin tan an la, IVF te pawh an buaipui ve zak zak a, mahse, a hlawhtling hleithei lo. The Kardashians May ni 25 episode-ah Kourtney hian, “IVF chu kan bansan fel ta. Nau neih chu kan thil chak ber a ni, mahse, Pathian kutah kan innghat tawp tawh mai. Nau kan neih a remtih chuan min pe mai ang,” a ti a, IVF an beidawn pui hnuah tunah an pai ta a ni.