Nilaini zan German DFB Cup inkhel pakhat zawkah Bayern Munich chuan sili faia mualneitu Mainz 05 hnehin German Cup quarter-final an lut a; inelna hrang hrangah kumin chhung bika an vawikhat chakna niin, a zawna draw vawithum an neih hnuah hnehna boruak an tem ve leh ta hram a ni!
-- Advertisement --
Thlasik insuan hun khar hma lawk tunkar Thawhlehni khan Portuguese full-back Joao Cancelo chuan Manchester City atangin loan kaltlangin Bayern Munich a zawm a, a club thar tana a inlan vawikhatnaah Bavarians a chakpui nghal.
He German DFB Cup inkhelah hian Cancelo hian goal thun lo mah se minute 17-a mikhual goal khatna thawhtu Eric Maxim Choupo-Moting tan ball tha a chhawpsak.
Darkar chanve an khel tling chiah tihah Jamal Musiala chuan Thomas Muller siamsak atangin Bayern goal hnihna a thawh a; Choupo-Moting chuan chawlhlawk dawnah Leroy Sane goal tur hlui ve lehin, Munich goal lina leh he inkhela goal lut hnuhnungber ni zui ta luh hun erawh a fan ta raih a, hun pangngai tawp hma mi-nute sarih chiah awm tawha Kimmich siamsak atanga Alphonso Davies tihluh a ni.
Minute 86-ah Mainz player Alexander Hack chu Musiala laka hlauhawm thama a chet avangin hnawhchhuah a ni a; Mainz manager Bo Svensson pawh hnawhchhuah a ni bawk.
Kum 28 mi Cancelo kha tunhnai season liamta hnuhnung pahniha Pep Guardiola enkawl Manchester City-in Premier League title an lak ve vena kawnga player langsar leh pawimawh ni mah se tun season-ah hian Etihad club-ah duhsak a hlawh zo ta tlat lo a, loan-a a kalna Bundesliga giants hian season tawpa an lei nghet duh a nih chuan pound maktaduai 61.5-in an chang thei dawn.
Nilaini zan German DFB Cup inkhel dangah mualneitu RB Leipzig chuan 3-1-in an mikhual Ho-ffenheim an hneh ve bawk.