Leimin vangin mi 670 vel thi

Papua New Guinea a tlang min avangin mi 670 velin nunna an chan nia ngaih niin tlangin a chim hnan khuaah chhanchhuah hna thawh mek a ni.
Karkalta Zirtawpni khan ruahsur nasa tak karah Enga province a tlang a min a, kilometer khat dawn leimin hian a awh tia sawi a ni.
Ruang tlema zawng hmuh tawh niin mahse leimin hi a chhah em avangin leh hmanrua a chhiat em avangin chhanchhuah hna thawh a chak thei lo tia sawi a ni.
Local media te chuan nupa pakhat chu an chenna in chim bang atanga dam taka pawhchhuah in an awm tiin an tarlang bawk.
Nupa te hi tanpui tura ngenna an authawm rescue worker ten an hriat hlauh avangin chhanchhuahin an awm theih phah a ni.
Emergency personnel te chuan mipui leiminin a chilh hnan te chhanchhuah chu ngaih pawimawh berah nei rihin mahse leiminna hmun a mumal loh em avang leh leimin zui leh thei a la awm avangin chhanchhuah hna thawh chak a harsa hle tiin Justine McMahon, country co-ordinator of Care Australia, aid agency a hmuna awm mek chuan a sawi.
Australia chu Papua New Guinea thenawm hnai ber niin Australia chuan a tul dan ang anga tanpuina pek a intiam bawk.
Serhan Aktoprak, International Organization for Migration chuan chhanchhuahna kalpuina kawngah harsatna hrang hrang an tawh thu sawiin chung zingah chuan leiin a chhilh chhung te chuan an chhungte bul hnai heavy machinery hmanga verh an remtih loh te a tel a ti bawk a.
Hmanrua liantham hman aiin mipui te chuan tuthlawh, suahdur leh agricultural forks te hmangin lei an hai duh zawk a ti bawk.
Leimin in lung leh thing a chhawp te hi a tam hle a, hmun thenkhatah phei chuan 10m(32 ft) laia chhah te a tling a ni.
Leimin hian chenna in 150 chuang a chhilh vek a, mi 1,250 vel an chin hriat lohin an awm mek bawk.
He khaw luhna kawngpui pawimawh chu leiminin a tihchhiat vek avangin chhanchhuahna leh chhawmdawlna lamah pawh harsatna a thlen nasa bawk a, leimin in a huam chin hi 200m(650ft) vel a ni tiin McMahon chuan a sawi bawk.