Caribbean Sea-ah mahnitude 7.6-a na lirnghing na tak a awm a, tsunami a thleng thei nia inralrinna tihchhuah zet ni mah se a hnu lawkah hlih leh a ni tih US Geological Survey (USGS) chuan a puang.
Thuneitute chuan lirnghing intanna hi Honduras hmal lam km 32.1, Cayman Islands chhimthlang lam km 209.2-a hlaah niin Inrinni tlaiah a ni tih an sawi.
US Tsunami Warning System chuan ram eng emaw zatat inralrinna tichhuak zui nghalin tui fawn metre thuma sang thlengin a insiam thei tih an puang a; mahse, a hnu lawkah an hnuk kir leh nghal a ni.
Tsunami Warning System for Puerto Rico & Virgin Islands pawhin inralrinna hi an tichhuak hman a; mahe, anni pawhin reilo te hnuah an tul leh lo tih an puang zui.
Cayman Islands sorkar chuan an website-ah vaukam hrula chengte chu hmun laili lama kal tura an tihna an tar lang a. Lirnghing hian khawmualah tichhiat a nei em tih hriat a ni lo.
Tun tum lirnghing hi kum 2021 hnua he lai hmun sawitu na leh ber niin kha mi tum khan magnitude 7.2-a nain Haiti a sawi niin US National Oceanic & Atmospheric Administration-in a sawi.
Tun tumah hian a nghin atanga darkar thum chuang hnuah US thuneitute chuan ‘tuipui chim chin pawh a danglam hret thei’ tih puangin cm 30 thleng pawhin a chim sang thei niin an sawi a; mahse, hlauhawm tura ngaih hi a thleng lo.
USGS chuan heng lai hmunah hi leilung innghahna plate ramri a nih avangin lirnghing na tak a thlen an ring lo tih an sawi.
Kum 2018 khan magnitude 7.5-a nain a bul lawk hi a sawi a, thil tam tak tichhiain tsunami tenau pawh a thleng a. “Vanneihthlak takin heng lai hmun kilkhawra lirnghingte hian thil a tichhe nasa thei khawp ni thin mah se a tichhe tam ngai lo hlauh,” an ti.
US National Tsunami Warning Centre chuan US vaukamah tan erawh tun tum lirnghing hi a hlauhawm loh tih an puang bawk.
Lirnghingin Caribbean sawi, tsunami inralrinna puang, hlip lehnghal
Get real time updates directly on you device, subscribe now.
Prev Post