English Premier League season kal meka chetha lo West Ham United chuan an manager Julen Lopetugui an ban fel a. An manager thar atan Graham Potter an la lut zui leh nghal.
West Ham hi season kal mekah an chetha lo viau a, vawi 20 khel tawhin vawi ruk chiah an chak a, draw vawi nga an neih bakah tlawm zawkah vawi kua ngawt an tang tawh bawk. Point 23 hmu tawh bawk mah se 14-naah an awm mek a, tlahniam thei dinhmuna ding mek aiin point 7 chauhin an hniam zawk mek a ni. An dinhmun a that loh vangin manager thar an zawng a, Chelsea manager hlui Graham Potter an biak fel hnuin thla ruk hnu lekah Julen Lopetugui chu an ban zui ta a ni.
Lopetui an ban hnuin Hammers hian an manager thar atan Brighton leh Chelsea manager hlui Graham Potter chu kum hnih leh a chanve daih contract ziahpuiin an la lut zui nghal. Chelsea in April 2023-a an ban hnuin Potter hian team enkawl a nei lo vang vang a, Chelsea a chhuahsan hnua a club enkawl hmasak ber chu West Ham hi a ni dawn ta a ni.
West Ham hian zanin hian FA Cup-ah Aston Villa an hmachhawn dawn a. Villa Park-a inkhel an hmachhawn tur hi Potter hian a kaihruai nghal dawn. Villa lakah an chak a nih chuan Potter tan bul tanna tha tak a ni ngei dawn a. Inrintawkna sang zawk a neihpui thei tura ngaih a ni bawk.
Lopetegui out, Potter In
Get real time updates directly on you device, subscribe now.
Next Post